"Water - Health - Environment"

Saturday, May 7, 2011

Aplimentec Apoiu Formasaun Steering Committee BESI iha Sub Distrito Laclubar

Aplimentec Foundation servisu hamutuk ho administrasaun sub distrito Laclubar hodi forma Steering Committee ba programa BESI (Be Mos, Saneamento no Saude Ijene) iha posto nebe refere. Aktividade ida ne'e ho ojetivu prinsipal atu governo sub distrito iha nia Comite BESI ida hodi halo monitorizasaun ba aktividade hotu nebe iha relasaun ho BESI. Aktividade BESI rasik sai hanesan politico governo Timor Leste nian (DNSAS) atu hasae numero populasaun nian ba asesu be mos, saneamento no saude iha area rural no urbanu. 

Steering Committee nebe forma kompostu husi departementos governo nian iha sub distrito hanesan Estatal,  SAS (SDF), MAP, Meio Ambiente, Saude, Edukasaun, Sosial, CDO no Desenvolvimento Rural. Administrador sub distrito sai hanesan chefe equipa no SDF (SAS) sai hanesan secretaridado ba steering committee ida ne'e.

Tomada de Posse ba aktividade steering committee sub distrito Laclubar nian sei halo iha loron 12 Maio 2011, iha Suco Manelima, sub distrito Laclubar. Tuir planu governo distrito Manatuto nian nebe servisu hamutuk DWASH-USAID Manatuto, Administrador distrito sei ba halo tomada de posse ba membro Comite BESI ne'e.