"Water - Health - Environment"

Sunday, August 3, 2003

Japaun Ajuda Konstrusaun Be-mos ba Cabuilimo no Mankolhata

Iha dia 30 de Julho 2003 liu ba, Director Aplimentec Justiano Rodrigues, assina akordu ida ho Embassa Japaun iha Aldeia Mankolhata, Suco Loidahar, Distritu Liquica. Akordu ida ne'e hanesan apoia Governo Japaun nian liu hosi programa Grassroot ba proposal Konstrusaun Be-mos iha aldeia Cabuilimo no Mankolhata. Aplilmentec hetan apoia orsamentu hamutuk $US 57,787 atu konstrui tanki, reservoir, capturing, public tap inklui mos instalasaun kanu ne'ebe ho total km 8 hosi be ulun mai to aldeia rua ne'e.
Assina akordu ne'e assiste mos hosi Deputy Administrador distritu Liquica, Chefi de Posto distritu Liquica, Chefi Saude Distritu Liquica, Chefi Suco Loidahar no Dato, inklui mos partisipasaun komunidade hosi aldeia Cabuilimo no Mankolhata. Baseia ba schedule projetu nian, programa konstrusaun sei hahu iha fulan Agostu no ba remata iha Desembru 2004.