Sr. Jose Barreti, koordenador tekniku konstrusaun Aplimentec ba Sentina iha Hekar and Lisaiko, Suco Dato Foho, Distritu Liquica, hateten katak Aplimentec remata ona konstrusaun sentina iha Hekar no Lisaiko. Konstrusaun ne'e hetan tulun hosi AusAID ho total orsamentu $US 2,700. KOnstrusaun ne'e rasik hahu iha fulan Febreiru no remata iha Abril 2003.
Iha konstrusaun ne'e kompostu hosi sentina haat no haris fatin haat. Unit ida halo ida aldeia Hekar no seluk iha aldeia Lisaiko. Sr. Jose hateten katak, sentina ne'e sei intrega ba Chefi Aldeia rua no komunidade iha fulan Abril nia laran. Maibe antes ne'e, Team Saude Aplimentec nian sei hala'o lai sosialisaun ba komunidade, atu oin-sa sira bele usa sentina ho diak ba sira nia saude, liu-liu oin-sa atu haris, fase roupa, no soe-be. Ida ne'e importante tebes atu komunidade bele utilisa konstrusaun ne'e ho efetivu no bele fo benefisiu ne'ebe diak. Sr. Barreto mos realsa tan katak, sira fo ona instrusaun ba Chefi aldeia sira oin-sa atu mantein no kuidade konstruksaun hirak ne'e, nune'e bele utiliza ba tinan naruk.
