“Bé la’os uza deit atu hemu, haris, tein ou fase roupa, maibe mos Be fo moris ba ema nia moris tomak. Ne’eduni, ita la’os deit hatene oin-sa atu uza Be, maibe mos importante tenki hatene oin-sa atu konserva Be ho diak”. Liafuan hirak ne’e hato’o hosi Secretario Estado Be-Mos no Elektrisidade, Sr. Egidio de Jesus, bainhira Inagura Be-Mos iha Aldeia Watuguili no Kamalelagana Maubara.
Nia hatutan tan katak, populasaun iha Watuguli no Kamalelagana presisa tebes atu kuidadu Konstrusaun Be-Mos ne’ebe sira hetan. Nia mos husu atu sir abele uza Be-mos ho matenek hodi desenvolve sira nia ekonomia no saude komunidade. Sr. Egidio hatutan, “Be-mos ne’ebe agora iha, bele ajuda imi hodi kuda modo no hamoris imi nia vida agrikultur. Be mos importante atu tulun familia uma laran hodi hetan saude diak bainhira imi uza ba haris, hemu, tein, fase roupa no aktividade seluk tan”.
Egidio husu atu Aplimentec ajuda populasaun atu kria sistima managementu ida diak, nune’e populasaun bele maintain nia sustanibilidade ba tempo naruk. Tuir Egidio, Governo sei la fo ajuda tan ona, tamba Governo mos tenki hare fali area seluk ne’ebe seidauk hetan Be-mos. Iha fatin hanesan, Egidio membro Governo hato’o nia agradesimento ba Governo Australia no AusAID ne’ebe fo tulun orsamentu atu realize projetu ida ne’e.
Projetu ida ne’e hetan tulun orsamentu $US 10,200 husi AusAID. Programa konstrusaun hahu iha fulan Marco no remata iha Julho 2003. Projetu ne’e hala’o hosi Aplimentec no hetan partisipasaun masimu hosi populasaun Watugili no Kamalelagana.
Nia hatutan tan katak, populasaun iha Watuguli no Kamalelagana presisa tebes atu kuidadu Konstrusaun Be-Mos ne’ebe sira hetan. Nia mos husu atu sir abele uza Be-mos ho matenek hodi desenvolve sira nia ekonomia no saude komunidade. Sr. Egidio hatutan, “Be-mos ne’ebe agora iha, bele ajuda imi hodi kuda modo no hamoris imi nia vida agrikultur. Be mos importante atu tulun familia uma laran hodi hetan saude diak bainhira imi uza ba haris, hemu, tein, fase roupa no aktividade seluk tan”.
Egidio husu atu Aplimentec ajuda populasaun atu kria sistima managementu ida diak, nune’e populasaun bele maintain nia sustanibilidade ba tempo naruk. Tuir Egidio, Governo sei la fo ajuda tan ona, tamba Governo mos tenki hare fali area seluk ne’ebe seidauk hetan Be-mos. Iha fatin hanesan, Egidio membro Governo hato’o nia agradesimento ba Governo Australia no AusAID ne’ebe fo tulun orsamentu atu realize projetu ida ne’e.
Projetu ida ne’e hetan tulun orsamentu $US 10,200 husi AusAID. Programa konstrusaun hahu iha fulan Marco no remata iha Julho 2003. Projetu ne’e hala’o hosi Aplimentec no hetan partisipasaun masimu hosi populasaun Watugili no Kamalelagana.
