Aplimentec Foundation hetan apoia maka'as hosi AusAID hodi hala'o projetu be-mos no sanitasaun iha distritu Liquica. Tuir akordu ne'ebe iha, AusAID sei ajuda Programa halo sentina ba Aldeia Hekar no Lisaiko, Re-konstrusaun be-mos iha area Watugili Maubara, rekonstrusaun be-mos iha area Suco Vatuvou Maubara no re-konstrusaun be-mos iha Suco Vaviquinia Maubara. Programa ne'e sei hala'o etapa por etapa tuir proposta ne'ebe hatama, hahu husi tinan 2003-2005.
Tuir Programa, Konstrusaun sentina iha Hekar sei hahu Febreiro-April 2003, Be-mos Watugili Maio-Julho 2003 - $US2,700, be-mos Watugili Abril-Julho 2003 - $US 10,200, be-mos Vatuvou Marco-Julho 2004 - $US 12,300 no re-konstrusaun be-mos Vaviquinia Maio - Setembro 2005 - $US13,300.
Programador Aplimentec nian, Sr. Justiano hateten katak, akordu projetu ida ne'e importante tebes, la'os deit ba Aplimentec maibe liu-liu atu dezenvolve povo nia moris. Apoia ida ne'e mos hanesan fiar ida ne'ebe Governo Australia fo liu hosi AusAID atu tulun povo nia moris liu-liu asesu ba mos ho sanitasaun.
Tuir schedule ne'ebe mak marka ona, projetu sira ne'e sei hala'o tuir etapa ne'ebe programadu ona. Projetu sei hahu uluk hosi Hekar Liquica no ba remata iha Vaviquinia. Maibe, programador Aplimentec nian mos realsa katak, atu halo projetu sira ne'e hotu presisa tebes apoia rekurusu humanu, tekniku no managementu ne'ebe diak.
