Aplimentec Foundation atinji on 70 % ona progressu fisiku Konstrusaun Bee-moos iha Suco Darulete. Programa ne'e hetan apoiu husi fundu GGP Embaxada Japaun iha 25 Janeiro 2019. Baseia progressu ne'e, Embaxada Japaun serbisu hamutuk ho Consultan Auditoria Dili Business Solution hahu halo auditoria ba progressu refere. Progressu ne'e rasik tuir relatorio ne'ebe Aplimentec Foundation submete ona ba Embaxada Japaun iha loron 30 Maio 2019.
Tanba ne'e, iha loron 3-5 Junho 2019, Consultan Auditoria Dili Business Solution hahu halo auditoria baseia instrusaun husi Embaxada Japaun. Aktividade auditoria ne'e halo rasik husi Director Dili Business Solution, Sra Mimi hodi ba visita iha fatin projetu GGP nian iha Suco Darulete.
Durante auditoria ne'e, Directora Mimi halo inspesaun ba bee-matan hodi haree konstrusaun captiring. Sra. Mimi mos kontinua halo inspesaun ba linha transmisaun husi bee-matan ba to'o Escola No 8 Kailema. Durante visita ne'e, Dili Business Solution halo mosobservasaun ba konstrusaun Ferocement 10 m3 no Tanki Reservoir 30m3 ne'ebe halo ona.
Hafoin halo inspesaun, Director Mimi informa katak, progresu ne'ebe Aplimentec Foundation halo positivu tebes. Buat hotu la'o tuir duni planu nebe hatama ona ba Embaxada Japaun inklui planu ezekusaun aktividade no orsamentu. Tuir Sra. Mimi, sira sei reve no halo finalizasaun relatorio inspesaun ne'e hodi haruka ba Australia hodi halo verifikasaun. Hafoin remata verifikasaun tekniku, sira sei hatama relatoriu hirak ne'e ba Embaxada Japaun relatorio ne'ebe mak iha. Sira sei rekomenda ba embaxada Japaun hodi autoriza Aplimentec Foundation kontinua no finaliza aktividade projetu Bee-moos iha Darulete. Tuir Planu, projetu ne'e rasik sei remata iha final Agusto 2019.
