Aplimentec Foundation servisu hamutuk UNDP hahu programa inisiu liu husi fasilitasaun Planu Asaun Komunidade (PAK) ba komunidade iha aldeia Vatunua, Suco Vatuvou, Posto Administrativo Maubara, municipio Liquica. Prosesu PAK ne'e rasik partensia ba programa ne'ebe Apliemntec Foundation ho UNDP planeia liu husi Programa "Rehabilitasaun
Sistema Bee-moos no Konservasaun bee-matan iha aldeia Vatunau, Suco Vatuvou,
Posto Administrativo Maubara, Municipio Liquica". Implementasaun programa ne'e liu husi asina akordu entre Aplimentec Foundation ho UNDP iha loron 23 Maio 2019.
Sr. Jose Piato hanesan facilitador PAK iha programa ne'e katak, prosesu PAK ne'e sei implementa durante semana ida. PAK sei implementa husi loron 8-12 Julho 2019. Materia ne'ebe sei uza iha prosesu PAK ne'e inklui Mapa Sosial, Lao Hamutuk, Kalendario Tempu, Matrix Jeneru, Diagram Venn no materi seluk tan. Iha tempu hanesan, Sr. Jose informa katak, sira mos sei fasilita komunidade hodi estabelese hikas Grupo Manega Fasilidade (GMF) ne'ebe la funsiona durante ne'e. Ojetivu final husi PAK ne'e rasik, atu konsientiza komunidade hodi sente sai nain ba rekursu ne'ebe sira iha. Nune'e komunidade bele partisipa no fo sira nia kontribuisaun masimu ba programa ne'ebe UNDP oferta ba aldeia Vatunau, Suco Vatuvou.
Iha fatin hanesan, Chefe de Suco Vatuvou, Sra. Gabriela Geronimo, informa katak, hanesan lider lokal nia kontente tebes ho esforsu Aplimentec Foundation. Tuir nia, Aplimentec lori programa komunidade aldeia Vatunau nian hodi ba koalia ho UNDP. Nia agradese tanba programa ida ne'e importante tebes hodi bele resolve problema sira hanesan bee-moos, agricultura no ambiente.
Tuir Director Aplimentec, Sr. Nuno Miguel katak, programa PAK ne'e sei hahu iha loron 8-12 Julho 2019. Remata PAK, sira mos sei fo treinamentu ba GMF durante semana ida atu hasae konesimentu membru GMF nian atu halo sira papel no funsaun. Sr. Nuno mos informa katak, Aplimentec Foundation sei apoiu GMF, liuliu iha prosesu tekniku inklui halo manutensaun. Iha prosesu manutensaun, sei apoiu mos GMF hodi halo kobransa ba uma kain ne'ebe uza bee-moos. Objetivu husi kobransa ne'e atu apoiu sustentabilizasaun infrastrutura bee ba tempu naruk. GMF rasik sei hamutuk ho komunidade hodi estabelese regulamentu bee-mos hodi regula no kontrola sistema bee-mos iha aldeia Vatunau.
