Fasilitador Fundasaun Aplimentec fo treinamentu Jestaun organizasaun no Tekniku ba Grupu Manega Fasilidade (GMF) iha aldeia Karlema, Suco Darulete, Posto Administrativo Liquica, Municipio Liquica durante loron 4, hahu husi 18-21 Febereiru 2019. Materia ba formasaun ne'e inklui: formasaun jestaun administrasaun, jestaun finansa, sistema kobransa, jestaun enkontru no mobilizasaun, Regulamentu Bee-Moos, Deskrisaun servisu kada membru GMF no ikus liu mak jestaun tekniku no manutensaun.
Tuir Fasilitador Aplimentec, Jose Piato katak, formasaun ne'e halo ba membru GMF nain 20. Ema hirak ne'e presiza hetan konesimentu diak, liuliu kona-ba jestaun bee-moos. Ojetivu usi formasaun ida ne'e atu kapasita no reforsa kapasidade membru GMF hodi bele halao sira nia funsaun ho efetivu. Nune'e mos GMF iha kapasidade ona hodi bele jere, organiza, komunidade, no halo manutensaun ba fasilidade bee-moos.
Iha formasaun ne'e, GMF sira mos hetan kona-ba jestaun finansa no kobransa. Parte ida ne'e atu esplika ba GMF sira oin-sa halibur osan komunidade no halo jestaun ho diak. Jestaun ne'e inklui oinsa atu jere osan tama no oinsa. Nune'e mos, oin-sa atu relata ba komunidade kona-ba osan ne'ebe GMF jere kada fulan.
Iha prosesu formasaun ne'e mos hetan apoiu mos Eng. Antonio Miguel hodi fo treinamentu kona-ba prosesu tekniku. Ojetivu mak membru GMF sira iha konesimentu kona-ba material kanu sira, kadeli no oin-sa atu halo manutensaun.
