Facilitador Komunidade Aplimentec Jose Piato informa katak, sira servisu hamutuk ho GMF hodi fahe servisu no mobiliza komunidade. Komunidade fahe ba grupu 8 hodi apoiu prosesu konstrusaun. Grupu 1 responsabiliza aktividade loron ida. Iha grupu 1 kompostu husi ema 18. Ema hirak ne'e mak apoiu trabalhador Aplimentec hodi hala'o servisu diarial. Funsaun GMF prinsipal tebes tanba sira mak organiza, koordena no mobiliza. Iha prosesu ne'e Aplimentec failita GMF atu bele hahu halo sira nia knaar hanesan jestor bee-moos iha area Karlema. Iha loron ikus, bainhira prgorama GGP remata, GMF bele kontinua hala'o sira nia knaar ho diak.
Tuir planu, servisu konstrusaun fisiku ba bee-matan sei halo durante semana rua no konstrusaun fisiku ba Tanki ferocement 10m3 sei remata iha semana tolu nia laran. Tuir orariu, hafoin remata konstrusaun fisiku, programa sei kontinua ho instalasaun kanu transmisaun ho total km 5 husi bee-matan ba too area eskola iha Kailema.Project Engineer, Eng. Antonio Miguel informa katak, programa hotu lao tuir hela planu ne'ebe hato'o ona ba Embaxada Japaun. Tuir Antonio, dezafius ne'ebe sira hasoru mak udan. Tamba tempu udan halo servisu dalaruma la lao tuir orariu ne'ebe planeia tiha ona. Tanba ne'e sira buka meios seluk atu halo durante tempu udan, hanesan fo formasaun ba GMF ou servisu iha armagen.
Kona-ba partesipasaun komunidade, Eng, Antonio informa katak, partesipasaun komunidade masimu tebes. Komunidade koopera ho diak tantu ho Aplimentec, GMF no Xefe Suco sira.
