Aplimentec Foundation servisu hamutuk ho DSASAM (Servico Agua Saneamento) Municipio Liquica realiza aktividade Planu Asaun Komunidade (PAK) ba komunidade iha aldeia Karlema, Suco Darulete, Posto administrativo Liquica, Municipio Liquica. Aktividade PAK ne'e hanesan parte ida husi Programa GGP Japaun iha prosesu konstrusaun bee-moos ba aldeia refere.PAK ne'e halao durante loron lima, hahu husi loron 11-15 Febereiru 2019. Materia ne'ebe uza ba aktividade PAK ne'e mak hanesan Mapa Sosial, Lao Hamutuk, Calendario Tempo, Diagram Venn no Matrix Gender. Iha loron ikus fasilitasaun PAK ne'e estabelese mos Grupu Manega Fasilidade (GMF) ba aldeia Karlema. GMF rasik kompostu husi ema 20. Iha okaziaun ne'e komunidade os deside fahe kedas grupu servisu komunitariu ba grupu 7. Kada grupu kompostu husi ema 18 inklui feto ho mane.
Tuir fasilitador PAK, Sr. Jose Piato informa katak, prosesu PAK ne'e hanesan prosesu ida atu hakaben komunidade ho programa bee-moos. Importante liu, komunidade tenke sente sai-nain ba rekursu no fasilidade ne'ebe iha, nune'e sira bele partisipa, involve no halo manutensaun ba tempu naruk. Sr. Jose Piato mos dehan tan katak, "Programa PAK loron lima ne'e lao diak tebes. Durante ne'e partisipasaun komunidade mos diak. Sira halo tuir materia ne'ebe mak iha no fo mos sira ideas durante iha prosesu diskusaun. Durante loron lima nia laran partesipasaun komunidade diak tebes. Kuaze uma kain 94 mak iha involve prosesu PAK ne'e".
Tuir agenda hahu segunda, 18-20 Febereiru 2019, sei iha fali formasaun ba membru GMF sira ne'ebe eleitu ona. Formasaun ne'e sei haree liu ba jestaun GMF no formasaun tekniku. Nune'e GMF bele hala'o nia servisu hafoin Aplimentec intrega fasilidade ba comunidade.
