ONG International The Promise husi Korea de Sul servisu hamutuk ho Aplimentec Foundation hala'o peskiza tekniku be mos iha area Querilelo no Caicasaiko, Suco Asumano, posto Liquica, distrito Liquica hahu husi loron 31 de Agosoto too 10 de Setembro 2011. Ojetivu husi aktividade ida nee atu hetan dadus kompletu kona ba tekniku be mos nian nebe tuir planu sei implementa nia konstrusaun iha fulan Janeiro 2011.
Coordenador Peskiza Tekniku Be Mos, Francelino de Jesus hateten katak, survey haree liu ba topografia, water quality, chemical test no peskiza social hodi haree kondisaun jeral antes implementasaun fisiku. Husi peskiza nee, grupo engineria Aplimentec sei desenvolve nia desenhoa sistema be nebe apropriadade hodi bele implementa iha tinan 2011.
Tuir Francelino, area Querilelo no Caicasaiko sai fatin target ba implementasaun nee. Sira hetan ona dadus kompleto no oras nee dadauk iha prosesu desenvolve ba desenho projetu nian. Resultado husi peskiza nee sei apresenta ba The Promise Timor Leste no DSAS Liquica iha loron 30 de Setembro 2011 hodi hetan nia aprovasaun.
Tuir Manager The Promise Timor Leste, Sr. Roni Jung, aktvidade nee rasik sei implementa iha fulan Janeiro 2012 durante tinan ida nia laran. Maibe programa nee hanesan projetu komunitaria nebe involvimentu komunidade nian hanesan parseiro prinsipal ba programa. Nia hatutan tan katak, karik resultado peskiza nee hetan aprovosaun husi Governo Korea de Sul, sira sei halo prekonsultasaun ho Governo distrito antes implementasaun programa nee iha tinan oin.
