"Water and Environment"

Monday, September 5, 2011

Aplimentec Atinji 100 % Programa Terasering iha Suco Batara

Coordenador NRM Aplimentec ba Programa DWASH Manatuto, Domingos Salsinha informa katak programa protesaun meio ambiente nebe halo iha aldeia Wani Ai, Suco Batara, Posto Laclubar, distrito Manatuto atinji ona aktividade fisiku 100 %. Programa protesaun meio ambiente konsega halo terasering ba ho luan hektar 5. Nune'e mos kuda ona ai horis (reboisasi) iha area terasering hamutuk 300 ai oan no sei aumenta tan 300 ai. Domingos informa tan katak, iha area besik terasering sira halo check dump haleu area terasering no halo lutu protesege be matan kuaze hektar 1.


Durante prosesu nee halo, hetan apoiu makaas husi komunidade Wani Ai. Program terasering halo durante fulan tolu no lutu halo durante fulan 1. Tuir Domingos atu konserva ai oan sira nebe kuda ona, sira usa sistema Irigasi Tetes hodi bele hamoris ai oan hirak nee durante tempo bailoron tamba udan be ladun iha. Nune'e nia informa tan katak, grupo meio ambiente nebe forma ona iha GMF nia laran sei manutensaun hodi tau matan ba ai oan sira nee to tempo udan mai.

Iha parte seluk, Sra. Joana nudar Project Manager DWASH iha area NRM Manatuto informa katak, sira sei apoiu tan komunidade ai oan hanesan ai-fuan hodi kuda iha area terasering hanesan abokate, sabraka no ai seluk nebe bele produse osan. DWASH rasik iha nia program tau importansia nebe makas liu-liu ba be matan no ambiente tamba liga makas ho prosesu sustentabilidade be mos nian. DWASH iha comitmentu nebe bot atu haburas no habelar protesaun ambiente liu husi nia estrategia implementasaun program. Area hirak nebe hetan inundasaun sai prioridade ba DWASH hodi reboisaun no hadia ambiente hirak nee hodi bele kria kuantidade be nebe permanante iha tempo naruk. (branca).