"Water - Health - Environment"

Saturday, July 31, 2004

AusAID inagura Projetu Vatuvou

AusAID nia representante marka presensa iha inagurasaun be-mos iha suco Vatuvou, sub distrito Maubara, loron 24 de Julho 2004. Projetu ne'e hanesan terseiru etapa ne'ebe Aplimentec simu hosi AusAID. Re-konstrusaun be-mos ba Suco Vatuvou hahu iha fulan Marco 2004, ho total km 6. Iha rekonstrusaun ne'e hari hikas fali tanki nen, reservoir rua, monta foun fali captruing iha be-ulun, inklui mos halo public tup sanulu resin nen ba asesu komunidade nian. Total apoia orsamentu ba projetu ne'e hamutuk $US 12, 200.
AusAID nia representate, Agusto Araujo, hateten katak sira senti haksolok tebes ho susesu ne'ebe Aplimentec halo hamutuk ho komunidade. Sira hare katak, ne'e programa ba dala tolu ona ne'ebe AusAID nia parseiru ho Aplimentec hetan susesu diak. Nia hateten tan katak, AusAID hein nafatin atu halo parseiru ho Aplimentec atu desenvolve nafatin povo iha area rurais liu-liu iha parte be-mos no sanitasaun.