"Water - Health - Environment"

Friday, April 18, 2008

Preparasaun Modul ba Planu Treinamentu Vokasional

Aplimentec Foundation iha ona Proposal atu dezenvolve Treinamentu Vocasional iha area Manajementu no Informasaun Teknolojia (IT). Iha proposal nia laran, inklui modul importante sira ne’ebé mak atu uza iha treinamentu hanesan: modul ba Manajementu ho Lideranasa, Modul ba Computer Microsoft Office, Modul Planiamentu Area Rural, no modul ida kona-ba Treinamentu Tekniku iha area Be-mós nian.

Aplimentec rasik iha ona programa tolu ne’ebé sai hanesan ojetivu fundamental: 1) Programa Be-mos; 2) Programa Agrikultura; 3) Programa Treinamentu. Programa tolu ne’e la’o hanesan, hahu kedas hosi tinan 2002 liu ba. Iha area Be-mos no agrikultura hetan prioridade makaas. Maibe iha programa treinamentu ladun hetan atensaun prioridade tamba menus suporta hosi doadores. Nune'e, dala barak Aplimentec fo Treinamentu Manajementu ho tekniku maibe seidauk bele dezenvolve modul ida ne’ebe bele iha nia formula ida diak. Nune’e ho Modul ne’ebe mak desenvolve agora, atu bele ajuda Aplimentec hodi fo atensaun ba programa treinamentu hanesan mos programa prioridade fundasaun nian.

Ho ida ne’e, Aplimentec agora dadaun dezenvovle hela proposal ida atu husu tulun no apoia ba Doadores sira atu hare kona-bá Treinamentu ne’e. Tuir planu, Aplimentec hakarak atu hahu ona treinamentu Vokasional ne’e iha fulan Febreiru 2009, baseia ba programa no modul ne’ebé mak iha. Nune’e mos, Aplimentec iha nia planu, sei uza edeifisiu foun ne’ebé mak halo hela atu sai hanesan fatin Centro Treinamentu Vokasional nian iha Liquica.