"Water - Health - Environment"

Monday, June 21, 2004

Projetu CIDA remata iha Leotala

Aplimentec Foundation, liu hosi nia Director, Justiano Rodrigues intrega offisialmente konstrusaun fisik sentina 8 ne'ebe remata ona iha Suco Leotala iha 18 Junho 2004 ba komunidade iha Leotala. Projetu ida ne'e hetan tulun hosi Governo Canada liu hosi CIDA-Canada ho total orsamentu hamutuk $US 6,400 hodi halo sentina 8 ba komunidade iha Suco Leotala.
Konstrusaun ba sentina ne'e hahu iha fulan Marco 2004, no hetan tulun no apoia maka'as hosi komunidade Leotala rasik. Tuir Community Development Aplimentec nian, mensiona katak, sira la'os halo konstrusaun fisik deit, maibe durante fulan ida tomak, sira mos halo sosialisaun kona-ba saude ba komunidade iha Leotala, no liu-liu oin-sa atu usa sentina ba interese saude no ambiente.
Iha seremonia intrega ne'e, Director Aplimentec mos intrega tan materail sentina nian ba komunidade sira hanesan sabaun, omo, ai-sar, valde atu mantein no hamos haris fatin ne'ebe iha ona.